කස්තුරි

කස්තුරි Musk

දෙශීය වෙදකමේ භාවිතා කරන වටිනා ඖෂධයක් වන අතර මෙය විශේෂයෙන් කස්තුරි මුවන්ගෙන් ලබාගනී. කස්තුරි සෑදෙන්නේ කස්තුරි මුවන්ගේ ශිෂ්නය කෙලවර චර්ම කූපයන්ගෙන් ස්‍රාවය වන ද්‍රවයක් නාභිය සමීපයේ පිහිටි අගල් එකහමාර්ක පමණ විශ්කම්භයෙන් යුත් අන්ඩාකාර කෝශයක් තුලය.මෙය තරලමය ස්වභාවයෙන් යුත් අතර පසුව ඝන වේ.
පිරිසිදු නියම කස්තුරි වල සුගන්ධය වහනය වේ.කටු තික්ත රස ඇති අතර මෘදු ස්පර්ශ ඇත.කස්තුරි වල ගුණයන් වනුයේ,ලඝු ,රූක්ෂ ගුණය ද උෂ්ණ වීර්‍ය ඇත.මොලයෙ දුබලතා,උන්මාද අපස්මාර ද...
හදවතට හිතකර නිසා හදවත් රෝග වලට විශිෂ්ට වේ.වාජීකරණ ගුණයෙන් ඉතා ඉහලයි.ලිංගික බෙලහීනතා වලට ඉතා යෝග්‍ය වේ.
කස්තුරි අඩංගු ඖෂධ ,
අංගුරාසවය..වාජීකරණ ඖෂධයකි .
කස්තුරි මෝදකය..වා,පිත්,සන්නිපාත,අශ්මරී ආදියට
වන්දොදය මකරධ්වජය,..ලිංගික බෙලහීනතා වලට.
මධුමේහයට,කාමඋද්දීපන ගුන ඇත.

සැත්කම් නොකර කොන්දේ අමාරුව නිට්ටාවට සුව කරන අපේ විශ්මිත හෙළ වෙදකම..
( හුඹස් මැටි වලින් කරන විශ්මිත ප්‍රතිකාර )

කොන්දේ අමාරුවලින් එහෙම නැත්නම් තුනටිය අමාරු වලින් අද බොහෝ දෙනෙක් පීඩා විඳිනවා. ශරීරයට ඔරොත්තු නොදෙන බර එසවීම, වයසට නොගැළපෙන ශාරීරික ව්‍යායාම වගේම එක තැන පැය ගණන් පුටුවකට බරදී රාජකාරි කරන අයත් මෙවැනි රෝග තත්ත්වයන්ට පහසුවෙන් ගොදුරු වෙනවා .

මෙවැනි රෝග තත්වයන් බොහෝ දුරට ඇති වෙන්නේ කොඳු ඇට පෙළේ ස්නායු සිරවීම නිසායි. මේ පිළිබඳව කරන සී.ටී. ස්කෑන් පරීක්ෂණයකදී බොහෝ විට අනාවරණය වෙන්නේ කොඳු ඇට පෙළේ L2, L4 හා L5 ස්නායු හිරවීම නිසා මේ ආකාරයට කොන්දේ අමාරු ඇති වෙන බවයි.

මෙවැනි ස්නායු හිරවීම් වල දී දකින්නට ලැබෙන සුලභ රෝග ලක්ෂණ කිහිපයක් තිබෙනවා. කකුල් හිරිවැටීම, යටිපතුල්වල මඩ ඇලී තිබෙනවා මෙන් දැනීම, කොන්ද දෙපැත්තෙන් විදුලිය දුවන්නාක් මෙන් ඇතිවන ගිනියම් වේදනාව කියන රෝග ලක්ෂණ මෙහිදී දකින්නට පුළුවන්. ඒ වගේම තුනටියේ ඇතිවන වේදනාව දෙපා අතරින් පහළට බහිනවා වගේ දැනෙන්න ගන්නවා.

සාමාන්‍යයෙන් බටහිර වෙදකමේ මෙවැනි රෝග තත්වයන් සඳහා බොහෝවිට සැත්කම් සිදු කරනු ලබනවා. නමුත් අපේ පාරම්පරික වෙදකමේ එන හැටියට කිසිදු සැත්කමක් නොකරම දින 14 ක දී මේ රෝග තත්වය නිට්ටාවටම සුව කළ හැකි ප්‍රතිකාර පන්තියක් තිබෙනවා.

ඒ ප්‍රතිකාර පන්තිය සකසා ගන්නේ මෙහෙමයි. මුලින්ම හුඹස් මැටි පොල් කටු 02 ක් පමණ ගෙන හීනියට කොටාගෙන පෙනේරයෙන් හලා ගන්න.එහෙම හලාගත් හුඹස් මැටි වලට එළ අබ පිටි මේස හැදි 02 ක්, එරඬු තෙල් අරික්කාලක්, සතකුප්පා පිටි මේස හැදි 02 ක්, දේවදාර පිටි මේස හැඳි 02 ක් හොඳින් මිශ්‍ර කර ගන්න. ඉන්පසුව මේ මිශ්‍රණයට උකු පදමට වතුර එකතු කර මැටි හට්ටියකට දමා ළිපේ තබා කකාරා ගන්න.

ඉන් පසුව තුනටියේ වේදනාව තිබෙන ප්‍රදේශය උණු වතුරෙන් තවා ඉහත මිශ්‍රණය ඝනකමට ආලේප කරන්න. ඒ ආලේපයට උඩින් කෙසෙල් දල්ලක් තබා මහත කපු රෙදි පටියකින් ඉණ වටා වෙලන්න. මේ ප්‍රතිකාරය දිනකට පැය 12ක් බැගින් නොකඩවා දින 14 ක් කරන්න. විශේෂයෙන් රාත්‍රී 7.00 සිට උදේ 7.00 දක්වා නම් වඩාත් හොඳයි.

ඊට අමතරව මේ ප්‍රතිකාර පන්තියටම අදාළ වන කෂායකුත් තියෙනවා. ඒ සඳහා සුදු ලූණු, වැල්පෙනල මුල් කලං 6 බැගින් ගෙන වතුර පත අට එකට සිඳුවා උදේ සවස දින 14 ක් පානය කරන්න.

මේ ප්‍රතිකාර සිදු කරන දින 14 ක කාලය තුළ කිලෝ 05 කට වැඩි බරක් ඔසවන්න එපා. අධිකව වෙහෙසීමත්, ව්‍යායාම කිරීමත් අගුණයි. ඒ වගේම පරිප්පු ඇට වර්ග ආහාරයට ගැනීම අගුණයි. මෑ කරල්, වම්බටු ඉතා අගුණයි. ප්‍රතිකාර කරන දිනවල ඇල් දිය නෑම හා ඇඟ සේදීම අගුණයි. උණු දිය නෑම හා ඇඟ සේදීම ගුණයි. ඒ වගේම මේ ප්‍රතිකාර කෙරෙන කාලය තුළ මෙට්ට මත නිදා ගන්න එපා. සමතලා මතුපිටක ලෑල්ලක් මත හෝ බිම නිදාගන්න. දින 14 ක් යද්දී ඔබේ කොන්දේ අමාරුව සුව වෙනවා ඒකාන්තයි.

🧓 විස්තර :- වෛද්‍යාචාර්ය එන්. බී වීරප්පෙරුම මහතා

ගැස්ට්‍රයිටීස් ඇති වෙන්න හේතු ගැස්ට්‍රයිටීස් ඖෂධ වට්ටෝරුවක් Gastroenteritis drugs sinhala

ගැස්ට්‍රයිටිස් සුව කරගන්න ඔබටම සාදාගත හැකි ඉපැරණි හෙළ ඔසුවක්..

ගැස්ට්‍රයිටිස් නොහොත් අම්ලපිත්ත රෝගයෙන් අද ලෝකයේ බොහෝ දෙනා පීඩා විඳිනවා. බොහෝ දෙනෙකුට මෙම රෝගී තත්වය ඇතිවන්නේ නිසි වේලාවට ආහාර නොගැනීම නිසා. උදරයේ ආම්ලිකතාවය වැඩිවීමෙන් ඇතිවන තුවාල හේතුකොටගෙන මෙම රෝග තත්වය උත්සන්න වෙනවා.

ඊට අමතරව ඌෂ්ණාධික ආහාර නිරන්තරව භාවිතා කිරීම මෙයට දිගුකාලීනව ගන්නා බටහිර ඖෂධ හේතුකොටගෙනත් අම්ලපිත්ත රෝග තත්වය ඇතිවෙන්නට පුළුවන්.

මෙම අම්ලපිත්ත රෝගය පාලනය කළ හැකි ඉතා වටිනා පාරම්පරික ඖෂධ වට්ටෝරුවක් ගැන කියන්න තමයි අපි මේ අද සූදානම් වෙන්නේ.

එය සකසා ගැනීමට අමු බෙලි කොළ වේලා කුඩු කරගත් පිටි 85g ක්, කුඩුකරගත් කොත්තමල්ලි පිටි 85g ක්, වැල්මී පිටි 85g ක්, එන්සාල් 20g ක්, කුරුඳු පොතු 20g ක්, වේලා කුඩුකරගත් කොල්ලන් කොළ පිටි 20g ක් හොඳින් මිශ්‍ර කරගත යුතුයි.

එසේ මිශ්‍ර කර පිළියෙල කරගත් ඖෂධය සුළං නොවදින සේ භාජනයක අසුරා තබාගෙන සෑම දිනකම උදෑසන මිලිමීටර් 10ක් ( 10ml ) වන පරිදි මේස හැන්ඳකින් එකක් ගෙන කෝප්පයකට දමා ඊට උණුවතුර එක්කර කෝපි මෙන් සාදාගෙන නොපෙරා හිස්බඩට පානය කරන්න. අම්ලපිත්ත රෝගයෙන් පෙළෙන අය එය පාලනය කර ගැනීමට මෙය දිනපතා භාවිතයට ගැනීම සුදුසුයි.

දිනකට එක් වතාවක් පමණ පානය කළ යුතු මෙම ඖෂධය අක්මාවේ තැන්පත් වන මේදය ඉවත් කිරීමටත්, මල බද්ධය හා ආහාර අරුචිය දුරලීමටත් ඉවහල් වෙයි. මේ සියල්ලට අමතරව අම්ල පිත්ත රෝගයෙන් පෙළෙන අය තෙල් බැඳුම් හා පාන්පිටි වලින් සෑදූ ආහාර ගැනීම සීමා කළ යුතුයි. ඒ වගේම විනාකිරි දැමූ ආහාර තක්කාලි, අන්නාසි, මුරුංගා, දෙල්, බලමාළු, ඉස්සන්, කකුළුවන්, දැල්ලන් වැනි උෂ්ණාධික ආහාර ඉතාම සීමා කළයුතු වෙනවා. මේවා සීමා කිරීම මෙම රෝගය සමනයට මහඟු පිටුවහලක් සපයනවා.

* වෙස් වලාගෙන ආ දේවාශිර්වාදයක් ?..
* මුලින්ම බලමු ගැස්ට්‍රයිටීස් ඇති වෙන්න හේතුවන හයිඩ්‍රොක්ලෝරික් අම්ලය තියෙන්නේ ඇයි කියලා..

* ප්‍රෝටීන ජීර්ණයට වැදගත් වන පෙප්සින් වල ක්‍රියාකාරිත්වය උත්තේජනය කිරීමට සහ හානිකර බැක්ටීරියා විනාශ කරන්නටයි.. Ph අගය 2 තරම් වන සැර ආම්ලික තත්වයක් පවතිනවා.. ඇඟට වැටුනොත් පිලිස්සෙන තරම්..

* එතකොට හයිඩ්‍රොක්ලෝරික් අම්ලය මගින් ආමාශයත් ජීර්ණය කරන්නෙ නැද්ද ?.. ඇයි.. අමාශයත් හැදිල තියෙන්නෙත් ප්‍රෝටීන් වලින්මනේ ?...

* ආමාශ බිත්තිය ඇතුළු පැත්තේ සෛල ඇතිරිල්ලක් තියෙනවා.. ඒක හයිඩ්‍රොක්ලෝරික් අම්ලයෙන් ආරක්ෂා වෙන්න මියුකස් සෙවෙල තට්ටුවක් තියෙනවා..

* ඒ මගින් භාෂ්මික බයිකාබනේට් ස්‍රාවය කරල ආමාශය ඇතුල් බිත්තිය මත ඇසිඩ් උදාසීන කරල ආරක්ෂා කරනවා.. මේ යාන්ත්‍රණයට " ගැස්ට්‍රික් මියුකොසල් බැරියර්" නමින් හඳුන්වනව..

* ඉතිං ගැස්ට්‍රයිටීස් (අම්ල පිත්ත) කියන්නෙ ඉහත කියාපු සෙවෙල තට්ටුවෙ ඇතිවන ප්‍රදාහ තත්වයක් නිසා ආමාශයේ ඇතුල් බිත්තියට හයිඩ්‍රොක්ලෝරක් අම්ලය මගින් හානි වීමයි.. තාවකාලික හා දිගු කාලීන වශයෙන් ආකාර 2 යි..

* ගැස්ට්‍රයිටිස් හැදෙන්න හේතු මොනවාද ?

• ප්‍රධානම හේතුව අපේ රටේ ආහාර කෑම පිඟානක තියෙන සංයුතියේ වැරැද්දයි.. පිෂ්ඨ බහුලයි.. ඒ කියන්නේ ආම්ලිකයි.. භාෂ්මික බව බහුල අමු සලාද ක්‍රමයට කන කොළ එලවළු අඩුයි.. ඉතිං සමස්ත ආහාරය ආම්ලිකයි..
• වේදනා නාශක ඖෂධ ගැනීම..
උදා:ඇස්ප්‍රීන්.. ඉබියො⁣⁣යොප්‍රොපේන්..
• ආමාශය හොලිකොබැක්ටර් පයිලෝරි
බැක්ටීරියා ආසාදනය නිසා..
• අධිකව මත්පැන් බීම..
• ප්‍රතිශක්ති විකෘත රෝග උදා : නීරක්තිය
• ආන්ත්‍රික යුෂ ආමාශයට ගලා එ්ම..
• වෛරස ආසාදන..

* ගැස්ට්‍රයිටිස් කාලයක් තිබුනොත් අතුරු ආබාධ ඇති වෙන්න පුළුවන්..
බඩේ තුවාල (gastric ulcer) හැදෙනවා..
තවදුරටත් වර්ධනය වෙලා බඩේ පිළිකා හැදෙන්නත් පුළුවනි..

* ගැස්ට්‍රයිටිස් රෝග ලක්ෂණ..
බඩ දැවිල්ල.. පුරවා දැමීම.. අරුචිය.. වමනය.. ඉක්කාව.. තෙහෙට්ටුව..

* පෙරදිග ක්‍රමයට ප්‍රතිකාර..
• ප්‍රති ආම්ලික ඖෂධ යොදනවා..
• චිකිත්සා සූත්‍ර අනුව ප්‍රතිකාර යොදනවා..

* බටහිර ක්‍රමයට ප්‍රතිකාර..
• ප්‍රති ආම්ලික ඖෂධ යොදනවා..
• අම්ල ස්‍රාවයට අදාල H2 රිසෙප්ටෝස්
ක්‍රියාව අඩාල කරන ඖෂධ යොදනවා..
• බැක්ටීරියාවක් නම් අදාල ප්‍රතිජීවකද..
• වෛරස නම් ඊට අදාල ප්‍රතිකාර යොදනවා..
• ශල්‍යකර්ම මගින් ස්නායු තන්තු
කපා දමනවා..

* හැබැයි රෝග නිවාරණය වඩාත් වැදගත්.. ඒ සඳහා මියුකස ප්‍රදාහය නවත්වන්න..
• තද කොළ පැහැති ආහාර කන්න.. අමුවෙන් කොල වර්ග සලාද ක්‍රමයට බහුල ව සෑම වේලකටම කන්න.. සලාද හදන හැටි මෙතැනින් බලන්නකෝ.. https://m.facebook.com/story.php?story_fbid=303316706885768&id=129484124269028
• වෙලාවට නිවැරැදිව කන්න..
• තෙල් සමබරව කන්න.. Fat spread ක්‍රමය මෙතනින් ක්ලික් කර කියවන්න.. https://m.facebook.com/story.php?story_fbid=301470423737063&id=129484124269028
• සුප්.. ක්‍රීම් ගතිය නැති කැලරි අඩු පලතුරු යුෂ ( කොමඩු දොඩම් ඇපල් මිදි..)
• මී පැණි බැක්ටීරියා නාශක වෙනවා..
⁣මත හා දුම් පානය නවත්වන්න..
• ආතතිය අඩුකරගන්න.. නිමක් නැති බලාපොරොත්තු වලින් මිදිල.. මේ මොහොත තුල නිවැරැදිව ජීවත් ⁣වෙන්න..

* සමහරු තාවකාලිකව සුවයක් දැනෙන නිසා කිරි බොන්නවා.. යෝගට් කනව.. නමුත් එපා.. හේතුව ටික වෙලාවකින් ඊට වඩා ආම්ලිකත්වය වැඩි කරනවා.. හොලිකො බැක්ටීරියා හිටියොත් වර්ධනය වැඩිවෙනව.. කැලරිත් වැඩිවෙලා අධිපෝෂණ ලෙඩත් හැදෙනවා...

* පරීක්ෂණ...
ලේ මළ මූත්‍ර පරීක්ෂා කරනවා.. ආසාදිත බැක්ටීරියාව හා නීරක්තිය සොයා ගන්න..
එන්ඩොස්කොපි කරනවා.. තුවාල හා පිළිකා සොයා ගන්න..

* මේකට හොඳම උත්තරය.. මා ජාතික ආහාර පිළිවෙතින් දක්වන බත් පතයි.. මෙතැනින් ක්ලික් කරල බලන්නකෝ.. https://m.facebook.com/story.php?story_fbid=239575933259846&id=129484124269028

* එහි දක්වන බත් පතෙහි රූපය බලන්න.. පිඟානෙන් 1/2 ක්ම කොළ පාටයි.. (50%) එයිනුත් අඩක් (25%) සලාද.. එහි කොලපාට හරිතප්‍රද ඇතුලෙ මැග්නීසියම් කැල්සියම් තියෙනවා.. ඒවා අමු සලාද හැටියට ආහාරයට ගත්තම.. ආමාශයෙදි නිදහස් වෙලා භාශ්මික බවක් ඇති කරනවා..

* සාමාන්‍යයෙන් පිෂ්ට මේද ප්‍රෝටීන ආහාර ආම්ලිකයි.. ඒවායේ එකතුව පිඟානෙන් 1/2 ක් (50%) වෙන්න ඕන.. එ්වායෙ ප්‍රමාණය වැඩි වෙනකොට ආම්ලික බව වැඩි වෙනවා..

*ඉතිං මේ විදිහට.. සමබර සමබල ආහාර වේලකට හුරුවෙන්න.. ගැස්ට්‍රයිටිස් හැදෙන්නෙ නෑ.. අනෙත් ලෙඩ හැදෙන්නෙත් නෑ... නිරෝගීව හොඳ ආයුෂක් විඳින්නත් පුළුවන්..

** සුවිශේෂ අවවාදයක් !!!
* කැලරි බහුල බර අහාරයක් වැඩිපුර කාල පැය 3 කට අඩු කා⁣ලයක් තුල බඩෙන් ඉහලට දැවිල්ලක්.. හිරකිරීමක්.. අපහසුතාවයක්.. දහඩිය දැමීමක්.. (විශේෂයෙන් රාත්‍රි ආහාරයෙන් පසු) අවොත් කිරි, මී කිරි, යෝගට්, අයිස්ක්‍රීම්, ගස්ලබු, කෙසෙල්, අලිපේර.. වගේ කැලරි බහුල කන්න බොන්න එපා..

* තැඹ්ලි වතුර හෝ වතුර ටිකක් බොන්න.. සුදුසුකම් තියෙන වෛද්‍ය වරයෙකු හමුවෙන්න..
හෘද රෝගයක පෙර නිමිත්තක් වෙන්න පුළුවනි..

* හේතුව කැලරි බහුල ආහාරයක් ගත්තාම.. ලේ වල සීනි මට හා මේද (ට්‍රයිග්ලිසරයිඩ) මට්ටම ඉහල නැගිනව.. ලේ වල උකුබව වැඩිවෙනව.. හෘදයට ලේ පොම්ප කරගන්න අමාරුවෙනව.. හෘද ධමනි අවහිරතා තියෙන කෙනෙකුට හෘදයෙන් එන වේදනාව ගැස්ට්‍රයිටිස් හැටියට දැනෙන්න පුළුවනි..

* ඉතිං ඒ වෙලාවට ඉහත කියපු ජාති ගත්තොත් තවත් උග්‍රවෙනවා.. ඉන්ෆාක්ෂන්.. අංශභාග.. මරණය දක්වනවාමත් යන්න පුළුවනි.. මට එහෙම අයගෙ අත්දැකීම් තියෙනවා..

* කැලරි බහුල බර ආහාර කියන්නෙ.. බත් පාන්, කඩල, මුංඇට, කිරිබත්, කොස්, දෙල්, මඤ්ඤොක්කා, අල, බතල.. ආදිය බහුලව ගත්තාමයි.. කාබෝහයිඩ්‍රේට බහුල ආහාර..

* සරලව තේරුම් ගන්නවා නම්.. ක්‍රීම් ගතිය තියෙන ඇලෙන සුළු ආහාර වර්ග.. පෙරදිග ක්‍රමයට ආමය ජනිත කරවන ගුරු ආහාර..

* වෙස් වලාගෙන ආ ආශිර්වාදයක් කිව්වේ ඇයි කියලා තේරෙනවද.. ගැස්ට්‍රයිටිස් මගින් දැනුම් දෙනව ආහාරය අසමතුලිතයි කියල.. ඒක සමතුළිත කරගන්න කියන පණිවිඩය ගේන දේවතාවෙක් තමයි මේ වෙිදනානුස්සනාව...

* හැබැයි මේ සමාන්‍ය දැනුම සාමාන්‍ය ජනතාව අතරට නොගිය නිසා ව්‍යාපාරිකයන්ට හොඳ ආදායම් මාර්ගයකුත් වෙලා...

සැත්කම් නැතිව නහර ගැට ගැසීමේ රෝගය සුව කරන හෙළ වෙද සත්කාරය..

පාද වල නහර ගැට ගැසීම නිසා පීඩා විඳින, වේදනා විඳින රෝගීන්ට සැත්කමකට මුහුණ නොදී හෙළ වෙද ප්‍රතිකර්මයකින් සම්පූර්ණ සුවය ලබන්නට පුළුවන් අගනා බෙහෙත් වට්ටෝරුවක් අපේ පාරම්පරික වෙද පොත්වල සඳහන් වෙනවා.

දෙපාවල නහර ගැට ගැසීම ආයුර්වේදයේ හඳුන්වන්නේ 'ශිරා ගැටිති' යනුවෙන්. රුධිරය ගෙන යන ශිරා නාළිකා වල තෙල් තැන්පත් වීමෙන් මෙම රෝග තත්වය හටගන්නා බවයි අපේ ඉපැරණි වෙද පතපොතෙහි සඳහන් වෙන්නේ.

මේ සඳහා ප්‍රතිකාර කරද්දී දෙපා සේදීමට කිසිම විටෙක 'ඇල් වතුර' පාවිච්චි කිරීම සුදුසු වන්නේ නැහැ. මඳ රස්නය ඇති උණු ජලයෙන් තමයි දෙපා සේදිය යුතු වන්නේ.

මෙම ප්‍රතිකාරය සාදා ගැනීමට නික කොළ මිටක් පමණ ගෙන එය පිරිසිදු කර සිහින්ව ලියා ගන්න. තරමක ඉඟුරු කැබැල්ලක්, සුදු ලූණු බික් කීපයක්, උළු හාල් මිටක්, වංගෙඩියක් හෝ බ්ලෙන්ඩරයක් භාවිතා කර ඉතා සිනිඳු වනතුරු අඹරාගත යුතුයි. එසේ අඹරා ගැනීමේදී ජලය එක් බිඳුවක් හෝ ඊට එක් නොකළ යුතුයි.

අඹරා ගත් මෙම මිශ්‍රණය මිරිස් ගුලියක් මෙන් හදාගෙන පසෙකින් තබාගන්න. ඊළඟට නැවුම් මුට්ටියක් ගෙන පිරිසිදු හුඹස් මැටි අඬු කෝප්පයක් ගෙන ඊට අඬු කෝප්ප 1,1/2ක් වන පරිදි ජලය එකතුකර හොඳින් මිශ්‍රකර ලිප තබා ගන්න.එය උකු පදමට පැමිණි පසු ලිපෙන් බා, කලින් පිළියෙල කරගත් මිශ්‍රණය ඊට හොඳින් කලවම් කරගන්න. ඉන්පසුව වසා තබන්න.

ඉන්පසුව රාත්‍රී කාලයේ දී ගැට ගැසුන නහර සහිත දෙපා මද රස්නය ඇති වතුරෙන් සෝදා හොඳින් පිස දමා ගන්න. ඊළඟට පිළියෙල කරගත් ඔසු මිශ්‍රණය ආබාධ සහිත ප්‍රදේශයේ ආලේප කරන්න. එය පැය 12 ක පමණ කාලයක් තිබෙන්නට හරින්න. නිදාගන්නා විට තමන්ගේ සිරුර ඇඳෙහි පවතින උස මට්ටමට වඩා උසකින් දෙපා තබාගන්න. සති 06 ක්, සති 08 ක් අතර කාලයක් මේ ප්‍රතිකාර එක දිගට භාවිතා කරන්න. එම කාල සීමාවේදී ඇල්වතුරෙන් දෙපා තෙමා ගැනීම නොකළ යුතුයි. ස්නානයේ දී මද රස්නය සහිත ජලය භාවිතා කරනවා නම් ඉතා සුදුසුයි.

විශේෂයෙන් මේ කාලය තුළ දී මුං ඇට, මෑ කරල්, වම්බටු ආහාරයට ගැනීමෙන් වැළකිය යුතුමයි. සති 06 ක්, සති 08 ක් අතර කාලයක් ගත වෙද්දී සියලුම වේදනාවන් පහව ගොස් මනා සුවයක් දැනෙනු ඇත.

🧓 පාරම්පරික වෛද්‍ය එන්. බී. වීරප්පෙරුම මහතා
( දු.ක. - 077-4845212 )

කාටිලේජ වර්ධනය කර දණිස් වේදනා දුරුකරන විශ්මිත ප්‍රතිකාරය...

දණහිස් වේදනා ඇති වීමට විවිධ හේතු සාධක රැසක් බලපානවා. වයස්ගත වීමත් සමඟ දණිස් වේදනා ඇති වෙන්න පුළුවන්. ඒ වගේම ශරීරයේ අධික බර, ආබාධ තත්වයන්, අධික ලෙස ව්‍යායාම වල නිරත වීම වැනි කාරණා නිසා ද දණිස් වේදනා ඇති වන්නට පුළුවන්.

ඒ වුනත් නිසි වේලාවේ දී මෙම වේදනාවන් හඳුනාගෙන ප්‍රතිකාර කිරීම ඉතාම වැදගත්. එසේ නොකළහොත් කල්ගත වන විට සුව කළ නොහැකි තත්වයටම වේදනාව වැඩි වෙන්න පුළුවන්. ඒ වුනත් ස්වාභාවික ඖෂධ වලින් දණහිස් වල ඇතිවන වේදනාව දුරු කළ හැකි බව සමහරවිට ඔබ නොදන්නවාත් ඇති.

මෙවර අප ස්වාභාවික ඖෂධ ඇසුරින් ඉදිරිපත් කරන ප්‍රතිකාරයෙන් දින කිහිපයක් තුළ වේදනාව දුරු කරගත හැකි බව කියවෙනවා. මේ සඳහා අපි තල ඇට යොදාගන්නවා. තල ඇට කියන්නේ කැල්සියම් බහුල ස්වාභාවික ආහාරයක්. පොතු ඉවත් කර වියළා ගත් තල ඇට 100g ක කැල්සියම් මිලිග්‍රෑම් 1200 ක් හා මැග්නීසියම් මිලිග්‍රෑම් 500 ක පෝෂණීය ගුණයක් අඩංගුයි. තල ඇට නිතිපතා ආහාරයට යොදාගතහොත් ඔස්ටියෝපොරෝසිස් වැනි රෝග තත්වයන් වලින් මිදී සිටින්නට එය ඔබට මහත් පිටුවහලක් වෙනවා.

🔴 බෙහෙත් වට්ටෝරුව

• තල ඇට මේස හැඳි 04
• වට්ටක්කා ඇට ග්‍රෑම් 40
• රසයෙන් තොර වූ ජෙලටින් මේස හැඳි 02
• වියළි මිදි මේස හැඳි 03
• හණ ඇට මේස හැඳි 08
• මී පැණි ග්‍රෑම් 200

🔵 සකසන ආකාරය...

හොඳින් සෝදා පොතු හැර ගත් තල ඇට සමඟ අනෙකුත් අමුද්‍රව්‍ය අවශ්‍ය ප්‍රමාණයට ගෙන බ්ලෙන්ඩර් කරගන්න. ඉන්පසු මූඩිය හොඳින් වැසිය හැකි ජෑම් බෝතලයක් වැනි යමක් ගෙන මෙම මිශ්‍රණය ගබඩාකර තබාගන්න. දවසට දෙවරක් උදේ සහ දහවල් ආහාරයට පෙර මෙම මිශ්‍රණයෙන් මේස හැඳි 01 ක ප්‍රමාණයක් බැගින් අරගන්න.

මෙහි අඩංගු විශ්මිත ගුණය නිසා දින කිහිපයකින් ඔබේ හානි වී ඇති දණහිස් කාටිලේජ හා කණ්ඩරා නැවත ප්‍රතිනිර්මාණය වීම ඇරඹීම සිදුවේවි.

ඔබ සැමට නිදුක් නීරෝගී සම්පත්තියම ලැබේවා!

📕 මූලාශ්‍රය :- වෛද්‍ය මෘතය
🧒 සටහන :- සුලක්ඛණ ජයවර්ධන 

Healing the kidney stones Sri Lanka වකුගඩු ගල් නැත්තටම නැති කරන දිව්‍යමය ඔසුවක් මෙන්න...

වකුගඩු යනු ශරීරයේ ඇති ඉතාමත් වැදගත් කාර්යයන් ඉටුකරන ඉන්ද්‍රියක්. එහි ප්‍රධානම කාර්යය වන්නේ ශරීරයේ අපද්‍රව්‍ය හා අමතර තරල සියල්ල මුත්‍රා බවට පරිවර්තනය කර ශරීරයෙන් ඉවත් කරවීමයි. වකුගඩු මඟින් පැය 24 ක් තුළ රුධිර ලීටර් 120 - 150 ත් අතර ප්‍රමාණයක් මෙලස පෙරීම සිදුකරන අතර එමඟින් පෙරා ඉවත් කරන අපද්‍රව්‍ය කොටස මුත්‍රා ලීටර් 1 - 2 ක් අතර අගයක් ගන්නවා.

වකුගඩු වලින් මිනිස් සිරුර තුළ අඩංගු ඉලෙක්ට්‍රොලයිට විධිමත් හා ස්ථායී කරීමත්, සෝඩියම් පොස්පේට් හා පොටෑසියම් වැනි ඉලෙක්ට්‍රොලයිට මඟින් රුධිර පීඩනය විධිමත්ව පවත්වාගෙන යාමටත් උදව් වෙනවා. ඒ වගේම අස්ථි ශක්තිමත් කරන හෝර්මෝන නිපදවීමට හා හැම මොහොතකමදී ම ජීවය අවසන් වී යන රතු රුධිරාණු සෛල යළි උත්පාදනය කිරීමට අවශ්‍ය සහයෝගය මෙම ඉලෙක්ට්‍රොලයිට මඟින් ලබා දීම සිදුවෙනවා. මේ දේවල් සියල්ල හොඳින් සිදුවීමට නම් ඔබට නිරෝගී වකුගඩු දෙකක් අනිවාර්යයෙන් අවශ්‍යයි.

වකුගඩු තුළ කැල්සියම් එකතුවීම නිසා පාෂාණ වැනි ඝණ ස්කන්ධයන් හට ගැනීම සිදුවන අතර ඒවා ගල් වැනි දැඩි ස්වභාවයකට පත්වන නිසා මේවා 'වකුගඩු ගල්' යනුවෙන් හඳුන්වනු ලබෙනවා. මෙම තත්වයට පත් වූ අය ඒ නිසා විඳින්නේ අපමණ වේදනාවක්. ඒ පීඩාකාරී වකුගඩු ගල් කිසිදු වේදනාවක් නැතිව ඉවත් කිරීමේ ක්‍රම රැසක් පවතිනවා. අද අපි ඔබට කියලා දෙන්නේ එයින් සරල එක් ක්‍රමයක්...

🔴 අවශ්‍ය දේ :-

• පාස්ලි හෝ කොත්තමල්ලි කොළ මිටක්
• පිරිසිදු පානීය ජලය

✴️ සකස් කරගන්නා ආකාරය :-

මුලින් පාස්ලි හෝ කොත්තමල්ලි කොළ මිටක් හොඳින් සෝදා පිරිසිදු කරන්න. ඉන්පසු එම කොළ මිට කුඩා කැබලි වලට කපාගෙන මුට්ටියකට දමා ගන්න. ඉන්පසු එම මුට්ටියට පිරිසිදු වතුර ඇති තරම් එකතුකොට මිනිත්තු 10 ක් පමණ හොඳින් තම්බාගන්න. ගින්දර නිවා දමා එලෙස සිසිල් වෙන්නට හරින්න. සිසිල් වුණු පසු මෙම මිශ්‍රණය පෙරණයක් ආධාරයෙන් පෙරාගෙන වීදුරු බෝතලයක දමා ශීතකරණයේ තැන්පත් කරන්න.

🔶 භාවිතා කරන ආකාරය :-

ඔබ කළ යුතු වන්නේ දිනපතා මෙයින් එක් වීදුරුවක් පානය කිරිම පමණයි. කිසිදු වේදනාවක් නොමැතිව වකුගඩු ගල් ඉවත් වී යන ආකාරය ඔබට අත්විඳීමට හැකිවේවි.

මේ විතරක් නොවෙයි වකුගඩු වල ක්‍රියාකාරිත්වය හොඳින් තියා ගැනීමට අවශ්‍ය නම් දිනපතා ප්‍රමාණවත් තරම් ජලය පානය කිරීමට අවශ්‍ය බව අමතක කරන්න එපා. එවිට ඔබේ ශරීරයේ ඇති සමහර අමතර විෂ ද්‍රව්‍ය හා ලවණ මුත්‍රා හරහා බැහැර වී යනවා.

arthritis pain නිට්ටාආතරයිටිස්වටම සුව කරන ඉපැරණි හෙළ වෙද වට්ටෝරුව මෙන්න

ආතරයිටිස් නිට්ටාවටම සුව කරන ඉපැරණි හෙළ වෙද වට්ටෝරුව මෙන්න ...

ආතරයිටීස් නැතහොත් හන්දිපත් රුදාව රෝග තත්ත්වයෙන් පීඩා විඳින විශාල පිරිසකට හෙළ වෙදකම ඔස්සේ නිට්ටාවටම සුවය ලබාගත හැකි සුවිශේෂී හෙළ ප්‍රතිකාර වට්ටෝරුවන් පාරම්පරික වෙද පොත් පත්වල සඳහන් වෙනවා. හරිහැටි වැඩක් පළක් කර ගන්නට බැරිව, ඇවිද ගන්නට බැරිව අතිශය පීඩාකාරී දිවියක් ගත කරන බොහෝ දෙනෙකුට දෙනෙකුට එමඟින් ඉක්මන් සහනයක් ලැබෙන බව පාරම්පරික වෛද්‍යවරුන් අත්දැකීමෙන් ම පවසා සිටිනවා.

ආතරයිටිස් රෝගයෙන් අවුරුදු ගණන් එක දිගට පීඩා විඳින බොහෝ දෙනෙක් අද ඉන්නවා. නමුත් අපගේ හෙළ වෙද ප්‍රතිකාර වට්ටෝරු හරියාකාරව අනුගමනය කළහොත් මේ අයට ඉක්මන් සුවය ළඟා කර ගත හැකියි. සමහරුන්ගේ මතය වී තිබෙන්නේ ආතරයිටිස් කියන්නේ සුවපත් කළ නොහැකි රෝගයක් බවයි. ඇත්තටම එය මිත්‍යා මතයක්. එවැනි රෝගීන් බොහෝ දෙනෙක් සුවපත් කර සහනය ළඟා කර දෙන්නට මෙම සුවිශේෂී ඖෂධ වට්ටෝරු වලට හැකියාව ලැබී තිබෙනවා. එසේම තවමත් එම රෝගයෙන් පීඩා විඳින බොහෝ දෙනෙකුගේ හිත සුවය පිණිස එම ප්‍රතිකාර වට්ටෝරුව මෙහි සඳහන් කිරීම අපගේ කාලීන යුතුකමයි.

🔴 ඖෂධ සාදාගන්නා ආකාරය...

වියළි ඉඟුරු, එළ ගම්මිරිස්, තිප්පිලි, බෙලි මුලේ පොතු, තොටිල මුලේ පොතු, මිදි මුලේ පොතු, තලොල් මුලේ පොතු, ඇද්දෙමට මුලේ පොතු කලං එකයි මදටිය දහය බැගින් ගෙන වතුර බෝතලයකින් කාල් අටක් දමා, එය කාල් එකට සිඳුවා තිප්පිලි කුඩු දමා දින 08 ක් උදේ සවස පානය කරන්න.

ඊට අමතරව හන්දිපත් වේදනා ඇති තැන්වල ආලේප කිරීමට ඖෂධ තෙලක් භාවිතා කළ යුතු වෙනවා. ඒ සඳහා,

මී ඇට තෙල් කාලක්, අබතෙල් කාල් භාගයක්, වණ්ඩු කපුරු ග්‍රෑම් 50 ක් අවශ්‍ය වෙනවා. එය සාදා ගැනීමේදී අබ තෙල් වලට වණ්ඩු කපුරු ටික දියකර තද අව්වේ පැය දෙක හමාරක් තැබිය යුතුයි. ඊට අමතරව මී ඇට තෙල් කාල ද පැය දෙක හමාරක් තද අව් රශ්මියේ තැබිය යුතුයි. ඉන්පසුව මේ සියල්ල එකට මිශ්‍රකර පිරිසිදු වීදුරු බෝතලයකට දමා ගන්න. ඉදිමී වේදනා දෙන තැන්වල මේ තෙල් දමා බැඳ පැය 12 ක් පමණ සිටිය යුතුයි. රාත්‍රී කාලයට තෙල් බඳින්නේ නම් වඩාත් සුදුසුයි.

විශේෂයෙන් තුනටියේ වේදනාවට, අත් පා හන්දි වල වේදනාවට එම ස්ථාන උණු වතුරෙන් තවා ඉන් පසුව තෙල් බැඳීම වඩාත් සුදුසුයි.

මෙය පාරම්පරික වෙද පොත්පත් වල සඳහන් වන ඉතාම වටිනා සුවිශේෂී ප්‍රතිකාර පන්තියක්. එය හරියාකාරව අනුගමනය කළහොත් ඔබට ඉතා ඉක්මණින් නිට්ටාවටම සුවපත් විය හැකියි.

ඔබ සැමට නිදුක් නීරෝගී සම්පත්තියම ලැබේවා! තෙරුවන් සරණයි!

මරණින් පසු නැවත ඉපදීම සැබෑ වීඩියෝ හිතව සහ භූතයෝ වෙනත් අමනුෂ්‍යයෝ ගැන ඇත්ත සැබෑ වීඩියෝ හිතව